ОЛИМПИАДЫН ТУХАЙ

"Хилээр Хязгаарлагдахгүй Англи хэл" уриатай тус олимпиад нь англи хэлний мэдлэгээ сорих эрмэлзэл бүхий сурагчдыг дэмжих, дэлхий дахинд тэдний үе тэнгийнхний харилцааг хөгжүүлэх, үүний тулд багш нарын хамтын ажиллагааг өргөжүүлэн, залуу үеийнхний хооронд найрсаг харилцаа, нөхөрсөг өрсөлдөөнийг бий болгох эрхэм зорилго бүхий олон улсын олимпиад юм.

Жирийн болон олон улсын хөтөлбөртэй сургуулиудын 5-12-р ангийн бүх сурагчдад нээлттэй ба өөрийн хүсэлтээр оролцох боломжтой. Энэхүү олимпиадын материал нь Английн засгийн газрын харьяа OFQUAL хэмээх хяналт үнэлгээний байгууллагаар баталгаажуулсан англи хэлний ур чадварын түвшинг үнэлэх олон улсад хүлээн зөвшөөрөгдсөн албан ёсны тест байдгаараа онцлог давуу талтай болно.

Хиппо Англи хэлний анхны олимпиад 2013 онд зохион байгуулагдаж байсан ба дэлхийн 6 орны нийт 5,000 гаруй сурагчид оролцож, сүүлийн шатанд 43 сурагч шалгарч байжээ. Харин 2022 оны Хиппо олимпиадад 54 гаруй орон нэгдэн 67,560 сурагч оролцсон. Үүнээс дэлхийн финалын шатанд 184 сурагч шалгарч өрсөлдсөний 7 нь Монгол сурагчид байв.

2023 онд Хиппо олимпиадад дэлхийн 60 орны 83,120 сурагчид оролцсоноос Монгол улсаас 4413 сурагч оролцож, дэлхийн финалд шууд оролцох 13 сурагч, бүсийн шигшээ шатанд оролцох 22 сурагчид шалгаран оролцсон. Дэлхийн Финалын шат 2023 оны 9-р сарын 27-30-ны хооронд Италийн Ром хотноо зохион байгуулагдаж, нийт 60 орны 223 сурагчид өрсөлдсөнөөс Хобби сургуулийн 6-р ангийн сурагч Т.Мишээл ХИППО S10 түвшинд мөнгөн медаль хүртэж хоёрдугаар байр эзэлсэн амжилт гаргалаа.

Олимпиадыг Монгол Улсад зохион байгуулагч:

Ай И Ди Си байгууллага